Başqasını qayda pozmaqda ittiham edən sürücü özü qayda pozdu - VİDEO

Bakı-Sumqayıt yolunda sürücünün yol hərəkəti qaydasını pozduğu iddia edilir.

Bu barədə izləyici Avtosfer.az-ın “WhatsApp” ünvanına hadisəni əks etdirən görüntülər göndərib.

Hadisə sentyabrın 18-də saat 07:39 radələrində qeydə alınıb. Elektrikli skuter idarə edən izləyicinin sözlərinə görə, 77-XP-100 dövlət nömrə nişanlı “Niva” markalı avtomobilin sürücüsü onun hərəkətinə məhəl qoymadan yanacaqdoldurma məntəqəsinə daxil olub və  ona qəza şəraiti yaradıb.

Lakin “Niva” sürücüsünün bu hərəkəti qanunvericiliyə əsasən, qayda pozuntusu hesab olunmur. Əksinə skuter sürücüsü avtobus zolağında hərəkət etdiyi üçün qayda pozmuş hesab olunur. 

Qeyd edək ki, mexaniki nəqliyyat vasitələrinin, yəni minik və yük avtomobillərinin avtobus zolağına daxil olmasının qarşısının alınması təmin edilərsə, gələcəkdə elektrikli skuterlərin və velosipedlərin avtobus zolağından hərəkətinə icazə verilməsi ilə bağlı təklif var.

Nərmin