Biləcəridə “Hyundai” sürücüsü piyadaların həyatını riskə atdı - VİDEO

Paytaxtın Binəqədi rayonu, Biləcəri qəsəbəsində dayanma-durma qaydalarını pozan sürücü kameraya düşüb.

Avtosfer.az xəbər verir ki, hadisə ilə bağlı görüntülər oktyabrın 2-də saat 10:08 radələrində Əhməd Qasımov küçəsində qeydə alınıb. Videonu izləyicilərdən biri qaynar xəttə göndərərək redaksiyaya məlumat verib.

Kadrlardan görünür ki, 10-CY-473 dövlət nömrə nişanlı “Hyundai” markalı avtomobilin sürücüsü nəqliyyat vasitəsini piyada keçidinin tam yaxınlığında saxlayıb. Bu isə həm piyadaların yolu keçərkən yaxınlaşan avtomobilləri görməsini, həm də sürücülərin keçiddən istifadə edən piyadaları vaxtında fərq etməsini çətinləşdirib.

Xatırladaq ki, qanunvericiliyə əsasən, nəqliyyat vasitəsini piyada keçidinin üzərində və ya keçidə 5 metrdən az məsafədə saxlamaq qadağandır.

Nərmin