Birinci cərgə boş ola-ola ikinci cərgədə dayanıb maneə yaratdı - VİDEO

Xırdalan şəhərində yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Mehdi Hüseynzadə küçəsində qeydə alınıb. Belə ki, 77-LD-179 qeydiyyat nişanlı "Hyundai" markalı avtomobilin sürücüsü ikinci cərgədə parklanma edərək dayanma-durma qaydasını pozub.

Qeydə alınmış videodan da aydın şəkildə görünür ki, yolun sağ kənarında birinci cərgədə dayanmaq üçün kifayət qədər boş yerlər var.

Bu cür kobud qayda pozuntusu digər hərəkət iştirakçıları üçün maneə yaradır, nəqliyyatın hərəkətini çətinləşdirir və yolda süni sıxlığın yaranmasına səbəb olur. Sürücülərə dayanma və parklanma zamanı yol hərəkəti qaydalarına əməl etmələri tövsiyə olunur.

Fərid