Bu küçədə geniş səki sürücülərin daimi “dayanacağına” çevrilib - VİDEO

Paytaxtın Yasamal rayonu, Abbasqulu Ağa Bakıxanov küçəsində dayanma-durma qaydalarını pozan sürücülər kameraya düşüb.

Avtosfer.az-ın qaynar xəttinə müraciət edən izləyici görüntüləri göndərərək məlumat verib. Hadisə sentyabrın 18-də saat 10:25 radələrində qeydə alınıb.

Kadrlardan görünür ki, 56-BJ-878 dövlət nömrə nişanlı “VAZ-2107” markalı, 77-VL-777 dövlət nömrə nişanlı “KIA” markalı, 10-AA-626 dövlət nömrə nişanlı “Toyota” markalı və 77-OG-856 dövlət nömrə nişanlı “Hyundai” markalı avtomobillərin sürücüləri nəqliyyat vasitələrini səkidə saxlayıblar.

Səkinin geniş olmasından sui-istifadə edərək avtomobillərini burada park edən sürücülər nəticədə piyadaların hərəkəti üçün nəzərdə tutulan ərazini daraldıblar.

Qeyd edək ki, sözügedən küçədə səkilərin avtomobillər tərəfindən zəbt olunması ilə bağlı saytımızda dəfələrlə material dərc edilib. Buna baxmayaraq, ərazidə analoji qayda pozuntuları hələ də davam edir.

Nərmin