Bu videoda qayda pozmayan yoxdur - Velosipedçi, piyada və sürücülər xaos yaradır - VİDEO

Paytaxtın Heydər Əliyev prospektində (“Koroğlu” metrosunun yaxınlığı) qayda pozan piyada və sürücülər avtomobilin videoregistratoruna düşüb.

Avtosfer.az-ın məlumatına görə, hadisə avqustun 12-də saat 14:02 radələrində qeydə alınıb. Kadrdan da göründüyü kimi, velosiped sürən azyaşlı əks istiqamətli yolla hərəkət edib. Bu vaxt o, qarşı tərəfdən gələn “Land Rover” markalı maşına və görüntünü qeydə alan sürücüyə təhlükə yaradıb. Bir neçə saniyə sonra “VAZ-2107” və “Opel” markalı avtomobillərin sürücüləri də qayda pozublar. Belə ki, onlar keçiddən keçən piyadalara əhəmiyyət vermədən hərəkət ediblər. Biraz irəlidə isə yaxınlıqdakı keçiddən istifadə etməyərək özünü və sürücüləri təhlükəyə atan piyada görüntülənib. 

Nərmin