Bu zolağa günün istənilən saatında girmək olar - CƏRİMƏSİ YOXDUR - VİDEO

Bakıda sürücülərin diqqətindən yayınan bir məqama qəza əleyhinə sürücülük kurslarının məşqçisi Aqil Rəhimov aydınlıq gətirib.

Avtosfer.az xəbər verir ki, söhbət paytaxtın Fətəli xan Xoyski küçəsindən gedir. Belə ki, Koroğlu Rəhimov küçəsindən Fətəli xan Xoyski küçəsinə dönən sürücülərin qarşıda tuneldən çıxan avtomobillərlə hərəkət trayektoriyası kəsişir. Sürücülərin hamısı bu nöqtədə eyni vaxtda sol zolağa keçməyə çalışdıqları üçün nəqliyyatın hərəkəti çətinləşir və tıxac yaranır.

Aqil Rəhimovun sözlərinə görə, kəsişmə hissəsində avtobus zolağı başlasa da, həmin yerdə bunu bildirən müvafiq yol nişanı quraşdırılmayıb. Buna görə də sürücülərin həmin hissədə avtobus zolağına daxil olaraq hərəkət etməsi qayda pozuntusu hesab olunmur. Onun fikrincə, sürücülər avtobus zolağı ilə hərəkət edib, avtobus zolağını göstərən yol nişanının quraşdırıldığı nöqtəyə çatdıqdan sonra sol zolağa manevr etsələr, bu həm daha təhlükəsiz, həm də nəqliyyatın axıcılığı baxımından daha səmərəli olar.

Fərid