Dairəvi hərəkətdə yol üstünlüyü kimindir? – Yol polisindən RƏSMİ AÇIQLAMA - VİDEO

Dairəvi hərəkətin təşkil olunduğu yol ayrıcılarında üstünlük məsələsi sürücülər arasında tez-tez müzakirə və anlaşılmazlıq yaradır. 

Avtosfer.az xəbər verir ki, bu mövzuya “Avto FM”də Baş Dövlət Yol Polisi İdarəsinin baş inspektoru, polis baş leytenantı Elvin Hacıyev aydınlıq gətirib. Bildirib ki, “Yol hərəkəti haqqında” qanunun tələblərinə əsasən, yol nişanları və ya nişanlanma ilə hərəkət üstünlüyü ayrıca müəyyən edilməyibsə dairəvi hərəkət təşkil olunmuş yol ayrıcına daxil olan sürücü artıq dairə daxilində hərəkətdə olan bütün nəqliyyat vasitələrinə yol verməlidir.

Onun sözlərinə görə, bu qaydanın əsas məqsədi dairəvi hərəkətin fasiləsizliyini və yol hərəkətinin təhlükəsizliyini təmin etməkdir. Qaydaya əməl edilməməsi isə qəza riskini artırır və yol ayrıcında tıxacların yaranmasına səbəb olur.

Dostuna pul göndərdi, bank balansa geri qaytardığını desə də, məbləğ ortada yoxdur – ABB-də nə BAŞ VERİR?

Baş inspektor sürücülərə müraciət edərək dairəvi yol ayrıcılarına yaxınlaşarkən yol nişanlarına xüsusi diqqət yetirməyi, tələsmədən və ehtiyatla hərəkət etməyi tövsiyə edib. O qeyd edib ki, qaydaların düzgün tətbiqi həm sürücülərin, həm də digər hərəkət iştirakçılarının təhlükəsizliyinin əsas təminatıdır.

Eltac Züflüqaroğlu