Dayanma-durma qaydasını pozan sürücülər maşınların dönməsinə maneə yaradır - VİDEO

Bakıda parklanma qaydasını pozan sürücülər yolda hərəkətə mane olub. Avtosfer.az xəbər verir ki, bu barədə oxucular redaksiyamızın qaynar xəttinə şikayət ünvanlayıb. Onlar bildirir ki, paytaxtın Rixard Zorge küçəsində sürücülər qanunsuz parklanma edərək hərəkəti çətinləşdirirlər. Qeydə alınmış videodan da aydın görünür ki, Azparking ərazisi bitdikdən sonra sürücülər avtomobilləri bucaq altında park edirlər. Bu formada parklanmanın edilməsi sağa — 28 May küçəsinə dönən nəqliyyat vasitələrinin hərəkətinə mane olur. Eyni zamanda onları bütöv xəttin tələbini pozmağa vadar edirlər.

Oxucular həmin əraziyə nəzarətin gücləndirilməsini və qayda pozan sürücülərin məsuliyyətə cəlb edilməsini xahiş edir.

Fərid