“Dayanmağa yer tapmırıq” deyib səkini zəbt edirlər – ŞİKAYƏT - VİDEO

Paytaxtın Yasamal rayonu, Abbasqulu Ağa Bakıxanov küçəsində dayanma-durma qaydalarını pozan sürücülər qeydə alınıb.

Bu barədə izləyicilərdən biri Avtosfer.az-ın “WhatsApp” ünvanına video göndərərək məlumat verib. Hadisənin iyulun 8-də saat 11:52 radələrində baş verdiyi bildirilir.

Kadrlardan görünür ki, 99-AA-695 dövlət qeydiyyat nişanlı “Mercedes” və 10-EX-110 dövlət qeydiyyat nişanlı “Nissan” markalı avtomobillərin sürücüləri nəqliyyat vasitələrini piyadaların hərəkəti üçün nəzərdə tutulmuş səkidə saxlayıblar.

İzləyicinin sözlərinə görə, sözügedən ərazidə bu cür qayda pozuntuları demək olar ki, hər gün təkrarlanır. Şikayətçi bildirib ki, sürücülərə irad bildirildikdə onlar dayanacaq yeri tapmadıqlarını əsas gətirirlər.

Nərmin