Düz xətti heçə sayan sürücü əks yola çıxıb maşınların yolunu kəsdi - VİDEO

Abşeron rayonu, Masazır qəsəbəsində yol hərəkəti qaydalarını pozan sürücü kameraya düşüb.

Avtosfer.az-ın məlumatına görə, hadisə sentyabrın 22-də saat 12:38 radələrində Əliağa Vahid küçəsində qeydə alınıb.

Kadrlardan göründüyü kimi, 99-GZ-524 dövlət nömrə nişanlı “Ford Transit” markalı yük avtomobilinin sürücüsü düz xəttin tələbini pozaraq əks istiqamətli yola çıxıb və ara küçəyə daxil olub.

Bu zaman o, avtomobillərin yolunu kəsib.

Xatırladaq ki, qanunvericiliyə əsasən, yol nişanlanmasının tələblərinə riayət edilməli, əks istiqamətli hərəkət zolağına çıxmaqla digər nəqliyyat vasitələrinin hərəkətinə maneə yaradılmamalıdır. Belə manevrlər yol hərəkətinin digər iştirakçılarını qəfil istiqamət dəyişməyə məcbur edə bilər.

Nərmin