Əcəmi "kruqu"nun məşhur "avtoş"u həbs edildi: 30 gün - VİDEO

Bakıda daha bir avtoşluq edən sürücü həbs edildi. Avtosfer.az xəbər verir ki, 90-LF-297 qeydiyyat nişanlı "Vaz 2107" markalı avtomobilin sürücüsü Nəsimi və Binəqədi rayonu ərazisində yol hərəkəti və ictimai qaydaları kobud şəkildə pozub, o cümlədən əhalinin dincliyini pozan hərəkətlərə yol verib. Sürücü avtomobilin qeydiyyat nişanını da dəyişərək saxta "Sex-8888" yazılı qeydiyyat nişanını avtomobilə təhkim edib.

Qeyd edək ki, sürücü Dövlət Yol Polisi idarəsinin çağırışlarına məhəl qoymadığı üçün əməliyyat-axtarış tədbirləri keçirilərək saxlanılıb. Nəsimi rayon məhkəməsinin qərarı ilə barəsində 30 gün inzibati həbs, həmçinin sürücülük hüququnun 1 il müddətinə məhdudlaşdırılması qərarı verilib.

Həmin sürücünün əvvəllər də bu cür əməllər törətməsi nəticəsində sürücülük hüququ məhrum edilmişdi.

Təbriz