Əks yola çıxan sürücü döngədə qəza riski yaratdı – 77-QS-220 - VİDEO

Daşkəsən rayonu ərazisində yol hərəkəti qaydalarını kobud şəkildə pozan sürücü avtomobilin kamerasına düşüb.

Avtosfer.az-ın məlumatına görə, hadisə avqustun 12-də saat 16:12 radələrində qeydə alınıb.

Belə ki, 77-QS-220 dövlət nömrə nişanlı “Toyota” markalı avtomobilin sürücüsü bütöv xəttin tələblərini pozaraq əks istiqamətli yola çıxıb. Nəticədə o, qarşı istiqamətdən gələn nəqliyyat vasitəsinə təhlükə yaradıb. Hadisənin yolun döngə hissəsində baş verməsi isə qəza ehtimalını daha da artırıb.

Xoşbəxtlikdən görüntünü qeydə alan avtomobilin sürücüsü döngəyə ehtiyatla daxil olaraq baş verə biləcək qəzanın qarşısını alıb. 

Xatırladaq ki, qanunvericiliyə əsasən, bütöv xətti tapdalayaraq əks hərəkət zolağına çıxmaq qəza riski yaradır və inzibati məsuliyyətə səbəb olur. Belə manevrlər, xüsusilə görünmə məhdud olan döngələrdə edildikdə, qarşıdan gələn nəqliyyat vasitələri ilə toqquşma riskini ciddi şəkildə artırır və ağır nəticələrə səbəb ola bilər.

Nərmin