Əks yola çıxan sürücü motosikletçini təhlükə ilə üz-üzə qoydu - VİDEO

Lənkəranda yol hərəkəti qaydalarını kobud şəkildə pozan sürücü kameraya düşüb.

Avtosfer.az-ın məlumatına görə, hadisə iyulun 23-də səhər saatlarında qeydə alınıb.

Görüntülərdən məlum olur ki, 77-MJ-064 dövlət qeydiyyat nişanlı “Toyota” markalı avtomobilin sürücüsü əks istiqamətli yola çıxaraq önündəki yük maşınını ötməyə cəhd edib. Həmin anda qarşı tərəfdən motosiklet yaxınlaşdığı üçün riskli vəziyyət yaranıb. Xoşbəxtlikdən moto sürücü təhlükəni vaxtında görərək sürətini azaldıb. Daha sonra “Toyota”nın sürücüsü yenidən öz hərəkət zolağına qayıdıb.

Xatırladaq ki, qanunvericiliyə əsasən, ötmə manevri yalnız təhlükəsiz şəraitdə icra edilməlidir. Əks hərəkət zolağına çıxmaqla qarşıdan gələn nəqliyyat vasitələrinə təhlükə yaratmaq qayda pozuntusu hesab olunur və belə davranış ağır yol qəzalarına səbəb ola bilər. Sürücülər ötmə zamanı yolun görünmə məsafəsini, qarşıdan gələn nəqliyyatın sürətini və manevrin təhlükəsiz başa çatdırılmasını öncədən düzgün qiymətləndirməlidirlər.

Nərmin