Əks yola çıxan sürücü son anda zolağına qayıdıb təhlükə yaratdı - VİDEO

Paytaxtın Nəsimi rayonunda qayda pozan sürücü avtomobilin videoregistratoruna düşüb.

Bu barədə izləyicilərdən biri Avtosfer.az-ın “İnstagram” ünvanına videomaterial göndərərək məlumat verib. Hadisə iyunun 16-da saat 18:54 radələrində Zərifə Əliyeva küçəsində qeydə alınıb. Belə ki, 90-ZZ-516 dövlət qeydiyyat nişanlı “Mercedes” markalı avtomobilin sürücüsü qarşısındakı nəqliyyat vasitəsini ötmək məqsədilə əks istiqamətli hərəkət zolağına çıxıb.

Kadrlardan görünür ki, qarşıdan avtomobilin yaxınlaşdığını görən sürücü daha sonra qəfil şəkildə yenidən öz hərəkət zolağına qayıtmağa çalışıb. Bu zaman o, görüntünü qeydə alan avtomobilin qarşısına keçərək qəza şəraiti yaradıb.

İzləyicinin iddiasına əsasən, hadisədən əvvəl o, Rixard Zorge küçəsindən Zərifə Əliyeva küçəsinə dönərkən piyadaya yol verdiyi üçün qayda pozan sürücü əsəbiləşərək təhlükəli manevrə əl atıb.

Nərmin