Ən sol zolaqdan birbaşa ən sağa keçib təhlükə yaratdı - 90-PR-726 - VİDEO

Paytaxtın Ziya Bünyadov prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə avqustun 19-da saat 14:43 radələrində qeydə alınıb.

Kadrlardan göründüyü kimi, 90-PR-726 dövlət qeydiyyat nişanlı “Peugeot” markalı avtomobilin sürücüsü yanacaqdoldurma məntəqəsinə daxil olmaq istəyərkən hərəkətdə olduğu ən sol zolaqdan birbaşa ən sağ zolağa keçib. Bu zaman sürücü görüntünü qeydə alan avtomobilin qarşısına çıxaraq onun hərəkət istiqamətini kəsib və qəza şəraiti yaradıb.

Xatırladaq ki, qanunvericiliyə əsasən,  hər bir sürücü manevr edərkən digər hərəkət iştirakçılarına təhlükə yaratmamalı və onlara yol verməlidir.

Nərmin