Hökməlidə qəfil yola çıxan sürücü qəza şəraiti yaratdı - VİDEO

Abşeron rayonu, Hökməli dairəsində qayda pozan sürücü kameraya düşüb.

Avtosfer.az-ın məlumatına görə, hadisə avqustun 25-də saat 11:09 radələrində qeydə alınıb.

Kadrlardan göründüyü kimi, 32-BE-624 dövlət nömrə nişanlı “Opel” markalı avtomobilin sürücüsü ara yoldan əsas yola çıxarkən yaxınlaşmaqda olan nəqliyyat vasitəsinə yol verməyib. Nəticədə o, görüntünü qeydə alan avtomobilin qarşısına qəfil çıxaraq qəza şəraiti yaradıb.

Təhlükəni görən sürücü qəzanın qarşısını almaq üçün sol zolağa manevr edib. Xoşbəxtlikdən hadisə zamanı həmin zolaqda avtomobil olmayıb. 

Qeyd edək ki, qanunvericiliyə əsasən, yolayrıcında ikinci dərəcəli yolla hərəkət edən sürücü əsas yolla yaxınlaşan nəqliyyat vasitələrinə yol verməlidir.

Nərmin