İnsanlara təhlükə yaradır, üstəlik kobudluq edir: "Nə olub, nə siqnal verirsən?" - VİDEO

Bakıda manevr qaydasını pozan avtobus sürücüsü qəza şəraiti yaradıb. Avtosfer.az xəbər verir ki, hadisə iyunun 7-də, paytaxtın Babək prospektində qeydə alınıb. Belə ki, "BakuBus" daşıma şirkətinə məxsus 99-JC-331 qeydiyyat nişanlı avtobusun sürücüsü onlar üçün nəzərdə tutulmuş zolaqla hərəkətdə olarkən qəfildən sol zolağa manevr edib. Bu zaman görüntünü qeydə alan avtomobili sıxışdıraraq ona qəza şəraiti yaradıb. Təhlükə ilə üzləşən sürücü qəzanın qarşısını almaq məqsədilə səs siqnalı ilə xəbərdarlıq etsə də, avtobus sürücüsü buna aqressiv reaksiya verərək "Nə olub, nə siqnal verirsən?" sözləri ilə kobud davranış nümayiş etdirib.

Hadisə zamanı xoşbəxtlikdən yol-nəqliyyat hadisəsi baş verməsə də, sürücünün hərəkətləri digər hərəkət iştirakçılarının təhlükəsizliyini ciddi şəkildə riskə atıb. Sözügedən videonu təqdim edirik.

Fərid