İrada məhəl qoymayıb maşını əyri park edən sürücü hamıya mane oldu - FOTO

Bakıda düzgün parklanma qaydalarına əməl etməyən sürücü digər avtomobilin sürücüsünə çətinlik yaradıb.

Avtosfer.az xəbər verir ki, hadisə Koroğlu metrostansiyasının yaxınlığında yerləşən “Bravo” hipermarketinin parkinqində baş verib. Oxuculardan biri bununla bağlı redaksiyamızın qaynar xəttinə şikayət ünvanlayıb.

Şikayətçinin sözlərinə görə, avtomobilini parkinqdə saxladıqdan sonra digər sürücünün düzgün park etməməsi səbəbindən maşından düşə bilməyib. O, sol tərəfində park edilmiş 99-NQ-537 qeydiyyat nişanlı “BYD” markalı avtomobilin sürücüsündən nəqliyyat vasitəsini düzgün park etməsini xahiş edib. Lakin sürücü buna məhəl qoymadan avtomobildən düşərək oradan uzaqlaşıb.

Nəticədə şikayətçi avtomobilindən rahat düşə bilmədiyi üçün nəqliyyat vasitəsini başqa yerdə park etməyə məcbur olub.

Fotoşəkildən də görünür ki, “BYD” markalı avtomobil parklanma xətlərinə uyğun yerləşdirilməyib. Bu isə digər sürücülərin avtomobillərini rahat park etməsinə maneə yaradıb.

Fərid