İsmayıllıda təhlükəli ötmə: Qarşıdan gələn sürücü son anda qəzadan yayındı - VİDEO

İsmayıllı rayonunda kobud qayda pozan sürücü kameraya düşüb.

Avtosfer.az-ın məlumatına görə, hadisə avqustun 8-də saat 15:50 radələrində qeydə alınıb. Görüntülərdən məlum olur ki, 56-BA-060 dövlət qeydiyyat nişanlı “VAZ-2106” markalı avtomobilin sürücüsü qoşa xəttin tələbini pozaraq əks istiqamətli yola çıxıb.

Nəticədə sürücü qarşıdan gələn maşının qarşısına qəfil çıxaraq qəza şəraiti yaradıb. Təhlükə ilə üzləşən digər avtomobilin sürücüsü operativ reaksiya göstərərək sağa manevr etməklə toqquşmanın qarşısını ala bilib. 

Qeyd edək ki, qanunvericiliyə əsasən, qoşa xəttin tələbini pozaraq əks hərəkət zolağına çıxmaq qadağandır.

Nərmin