Küləkli havada yükü açıq daşıyan “KamAZ” sürücüsü təhlükə yaratdı - VİDEO

Paytaxtın Xətai rayonu, 8 Noyabr prospektində yükü təhlükəli şəkildə daşıyan sürücü görüntülənib.

Bu barədə izləyicilərdən biri Avtosfer.az-ın “Instagram” ünvanına video göndərərək məlumat verib. Hadisə sentyabrın 28-də səhər saatlarında qeydə alınıb.

Belə ki, 90-OE-309 dövlət nömrə nişanlı “KamAZ” markalı yük maşınının sürücüsü müxtəlif növ material və məişət tullantılarını açıq şəkildə daşıyıb. Kadrlardan görünür ki, yükün üzəri tam örtülməyib və lazımi qaydada bərkidilməyib. Xüsusilə küləkli hava şəraitində bu cür yükün bir hissəsinin yola tökülməsi digər hərəkət iştirakçıları üçün təhlükə yarada bilər.

Videonu çəkən sürücünün sözlərinə görə, yük maşınındakı tullantılar yola düşərək təhlükə yaradıb.

Xatırladaq ki, qanunvericiliyə əsasən, sürücü yükün düzgün yerləşdirilməsinə və bərkidilməsinə nəzarət etməli, yükün yola düşməsinə, hərəkətə mane olmasına və digər hərəkət iştirakçıları üçün təhlükə yaratmasına yol verməməlidir.

Nərmin