Masazırda bir-biriylə yarışan moped sürücüləri yol boyu qəza şəraiti yaratdı - VİDEO

Abşeron rayonu, Masazır qəsəbəsində qayda pozan moped sürücüləri avtomobilin kamerasına düşüb. 

Bu barədə izləyicilərdən biri Avtosfer.az-ın “Whatsapp” ünvanına videomaterial göndərərək məlumat verib.

Hadisə martın 18-də saat 12:03 radələrində Əliağa Vahid küçəsində qeydə alınıb.

Kadrlardan göründüyü kimi, moped idarə edən gənclər hərəkətdə olan avtomobillərin yanından təhlükəli şəkildə keçiblər. Bu zaman onlar qarşı tərəfdəki nəqliyyat vasitələrinə də qəza şəraiti yaradıblar. Görüntünü qeydə alan sürücü siqnal verərək xəbərdarlıq etsə də, mopeddəki xanım sərnişinlərdən biri geriyə çönərək sürücüyə hələ irad da bildirib. İzləyicinin bildirdiyinə görə, sözügedən sürücülər yol boyu bir-biriləri ilə yarışaraq riskli hərəkətlərini davam etdiriblər.

Qeyd edək ki, qanunvericiliyə görə, motosiklet və moped sürücüləri yol hərəkəti qaydalarına riayət etməli, həm sürücü, həm də sərnişin dəbilqədən istifadə etməlidirlər.

Nərmin