Masazırda sərnişin banan qabığını maşından yola atdı - VİDEO

Abşeron rayonu, Masazır qəsəbəsi ərazisində xoşagəlməz hal qeydə alınıb.

Avtosfer.az-ın məlumatına görə, hadisə mayın 13-də saat 09:15 radələrində “Qurtuluş 93” yaşayış kompleksində baş verib. Belə ki, 90-EC-564 dövlət nömrə nişanlı “VAZ-2104” markalı avtomobildə olan sərnişin hərəkət zamanı nəqliyyat vasitəsinin pəncərəsindən zibili - banan qabığını yola atıb.

Kadrlarda sərnişinin ictimai yerlərdə təmizliyə və ətraf mühitə qarşı laqeyd münasibəti açıq şəkildə görünür. Bu cür davranış həm şəhər mühitinin çirkləndirilməsinə səbəb olur, həm də cəmiyyət arasında mənfi nümunə formalaşdırır.

Xatırladaq ki, avtomobildən küçəyə istənilən növ tullantının atılması inzibati məsuliyyət yarada bilər. Sürücü və sərnişinlər ictimai təmizliyin qorunmasına həssas yanaşmalı, tullantıları yalnız bunun üçün nəzərdə tutulmuş yerlərə atmalıdırlar.

Nərmin