Maşınını əks istiqamətdə saxlayıb yoxa çıxdı, yolda xaos yaratdı - VİDEO

Paytaxtın Xətai rayonu, Babək prospektində qayda pozan sürücü nəqliyyatın hərəkətinə maneə yaradıb.

Avtosfer.az-ın məlumatına görə, hadisə oktyabrın 2-də, saat 16:50 radələrində qeydə alınıb.

Belə ki, 99-XJ-981 dövlət qeydiyyat nişanlı “Ford” markalı avtomobilin sürücüsü əks istiqamətli hərəkət zolağına çıxaraq qəza işıqlarını yandırıb və nəqliyyat vasitəsini ikinci cərgədə saxlayıb. Nəticədə qarşı istiqamətdən gələn avtomobillərin hərəkəti məhdudlaşıb və yolda sıxlıq yaranıb.

Kadrlardan görünür ki, digər sürücülər siqnal verərək “Ford”un sürücüsünə xəbərdarlıq ediblər. Lakin həmin vaxt sürücü avtomobildə olmayıb.

Bir müddət sonra avtomobilinin yanına qayıdan qadın sürücü heç nə baş verməmiş kimi sükan arxasına keçərək ərazidən kənarlaşıb.

Nərmin