Məktəbin qarşısında təhlükəli manevr edən sürücü CƏZALANDIRILDI - VİDEO

Sabunçu rayonunun Zabrat qəsəbəsində yerləşən 75 nömrəli tam orta məktəbin qarşısında təhlükəli hərəkətlər edən sürücü ilə bağlı araşdırma aparılıb. Avtosfer.az xəbər verir ki, Bakı Şəhər Dövlət Yol Polisi İdarəsindən verilən məlumata görə, videogörüntü əsasında sürücünün şəxsiyyəti müəyyən edilib və onun barəsində qanunamüvafiq tədbir görülüb.

2026-06-22 - 16:30 ***

Paytaxtın Sabunçu rayonu, Zabrat qəsəbəsində, 75 nömrəli tam orta məktəbin qarşısında yol hərəkəti qaydalarının kobud şəkildə pozulması qeydə alınıb.

Avtosfer.az-ın məlumatına görə, hadisəni əks etdirən görüntülər sosial şəbəkələrdə yayılıb. Kadrlarda 10-VP-389 dövlət qeydiyyat nişanlı “Mercedes” markalı avtomobilin sürücüsünün məktəbin qarşısında, velosiped sürən azyaşlılara məhəl qoymadan döngəyə yüksək sürətlə və nəzarətsiz şəkildə daxil olduğu görünür.

Daha sonra avtomobil yol kənarında dayanan velosipedə çırpılıb.

Qeyd edək ki, məktəblərin qarşısı və uşaqların intensiv hərəkətdə olduğu zonalarda yüksək sürətlə hərəkət etmək yol hərəkəti qaydalarına ziddir və qanunla qadağandır.

Nərmin