Mərdəkanda öz qaydalarını işə salan sürücü iki dəfə qəza təhlükəsi yaratdı - VİDEO

Paytaxtın Xəzər rayonu, Mərdəkan qəsəbəsində yol hərəkəti qaydalarını kobud şəkildə pozan sürücü kameraya düşüb.

Avtosfer.az-ın məlumatına görə, hadisə sentyabrın 18-də saat 10:03 radələrində Sergey Yesenin küçəsində qeydə alınıb.

Kadrlardan göründüyü kimi, 99-MH-448 dövlət nömrə nişanlı “Mercedes” markalı avtomobilin sürücüsü əvvəlcə qarşıdakı nəqliyyat vasitəsinin ona yol verməsi üçün bir neçə dəfə işıqları yandırıb-söndürüb. Daha sonra həmin avtomobili sağdan ötməyə cəhd edib. Sonda o, görüntünü qeydə alan avtomobilin önünə keçərək sürücüyə qəza şəraiti yaradıb.

Bununla kifayətlənməyən “Mercedes” sürücüsü bir müddət sonra bütöv xəttin tələbini pozaraq əks istiqamətli hərəkət zolağına çıxıb. Bu zaman qarşıdan gələn “VAZ-2107” markalı avtomobillə toqquşma təhlükəsi yaranıb.

“Mercedes” sürücüsü son anda yenidən öz hərəkət zolağına qayıdıb. Bu manevr zamanı isə o, digər nəqliyyat vasitələri üçün də təhlükəli vəziyyət yaradıb.

Nərmin