Mərdəkanda yolayrıcına necə gəldi girən sürücü qəza şəraiti yaratdı - VİDEO

Paytaxtın Xəzər rayonu, Mərdəkan qəsəbəsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir neçə gün əvvəl Sergey Yesenin və Hacı Zeynalabdin Tağıyev küçələrinin kəsişməsində qeydə alınıb. Görüntülərdən məlum olur ki, 99-CE-295 dövlət qeydiyyat nişanlı “Ford Transit” markalı yük avtomobilinin sürücüsü yolun sağ kənarında quraşdırılmış 2.5 “Dayanmadan keçmək qadağandır” (“STOP”) yol nişanının tələbini pozaraq yolayrıcına daxil olub. Nəticədə o, görüntünü qeydə alan sürücünün yolunu kəsərək qəza şəraiti yaradıb. Təhlükə ilə üzləşən sürücü vaxtında səs siqnalı verərək qarşı tərəfi xəbərdar edib.

Qeyd edək ki, “STOP” nişanı sürücünü stop-xəttinin, stop-xətti olmadıqda isə hərəkət hissələrinin kəsişmə xəttinin qarşısında tam dayanmağa və üstünlüyü olan nəqliyyat vasitələrinə yol verməyə məcbur edir.

Nərmin