Məsuliyyətsiz sürücü parkinqdə 3 maşının yerini zəbt etdi - 77-SB-339 - VİDEO

Paytaxt ərazisində yerləşən “Bravo” marketlərindən birinin qarşısındakı parkinq sahəsində sürücülər arasında narazılığa səbəb olan hal qeydə alınıb.

Avtosfer.az xəbər verir ki, 77-SB-339 qeydiyyat nişanlı "Land Lover Discovery" markalı avtomobil sürücüsü nəqliyyat vasitəsini parkinq qaydalarına zidd şəkildə saxlayıb. Avtomobilin düzgün park edilməməsi nəticəsində bir deyil, eyni anda üç avtomobil üçün nəzərdə tutulmuş yer zəbt olunub.

Hadisə yerində olan digər sürücülər bildiriblər ki, sözügedən avtomobil həm parklanma mədəniyyətinin pozulmasına səbəb olub, həm də ərazidə hərəkəti çətinləşdirib. Onların sözlərinə görə, bu cür məsuliyyətsiz davranışlar xüsusilə sıxlıq olan saatlarda ciddi narahatlıq yaradır.

Eltac