Motosikletçini sıxışdırıb qəza təhlükəsi yaratdı - 77-NZ-071 - VİDEO

Paytaxtın Nərimanov rayonu, Fətəli xan Xoyski küçəsində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntülərdən məlum olur ki, 77-NZ-071 dövlət nömrə nişanlı “Changan” markalı avtomobilin sürücüsü sağ zolaqda hərəkət edən motosikletçiyə əhəmiyyət vermədən həmin zolağa manevr edib. Nəticədə o, motosikletçi sıxışdıraraq qəza şəraiti yaradıb. Təhlükə ilə üzləşən motosiklet sürücüsü sürətini azaldaraq qəzanın qarşısını ala bilib.

Qeyd edək ki, hərəkət zolağını dəyişən sürücü manevrə başlamazdan əvvəl həmin zolaqda hərəkət edən digər nəqliyyat vasitələrinə üstünlük verməlidir. Bu tələbin pozulması təkcə inzibati məsuliyyət yaratmır, eyni zamanda iki təkərli nəqliyyat vasitələrinin iştirakı ilə ağır nəticələrə səbəb ola biləcək yol-nəqliyyat hadisələrinin riskini əhəmiyyətli dərəcədə artırır. Bu səbəbdən zolaq dəyişərkən ətrafdakı nəqliyyat vasitələrinin hərəkət istiqaməti və təhlükəsiz məsafə mütləq nəzərə alınmalıdır.

Nərmin