Motosikletə məhəl qoymayan sürücü qəza şəraiti yaratdı - VİDEO

Bakıda qayda pozan sürücü kameraya düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb.

Kadrlardan göründüyü kimi, yolun kənarından hərəkətə başlayan 77-TU-649 dövlət nömrə nişanlı “Toyota Prius” markalı avtomobilin sürücüsü yaxınlaşmaqda olan motosikleti nəzərə almadan hərəkətini davam etdirib.

Nəticədə avtomobilin manevri motosiklet sürücüsünü qəza təhlükəsi ilə üz-üzə qoyub.

Xatırladaq ki, qanunvericiliyə əsasən, sürücü hərəkətə başlamazdan və ya manevr etməzdən əvvəl digər hərəkət iştirakçılarına təhlükə yaratmadığına əmin olmalıdır.

Nərmin