Nasaz vəziyyətdə olan təcili yardımla xəstə daşıdılar - VİDEO

Martın 22-də paytaxtın Zabrat-Maştağa yolunda nasaz vəziyyətdə xidmət göstərən təcili yardım avtomobili ilə bağlı görüntülər sosial şəbəkələrdə yayılıb. Avtosfer.az xəbər verir ki, 77-JG-648 dövlət nömrə nişanlı "Mercedes" markalı təcili yardım avtomobili texniki nasaz vəziyyətdə olmasına baxmayaraq, istismar olunub.

Məlumata görə, avtomobilin amortizatorları işləmədiyi üçün arxa hissəsi stabil vəziyyətdə qalmayıb. Videogörüntülərdən də aydın görünür ki, nəqliyyat vasitəsinin arxa hissəsi hərəkət zamanı qeyri-sabit formada atılıb-düşür. Bu cür vəziyyət həm avtomobilin içində olan tibb işçiləri və xəstələr, həm də digər yol hərəkəti iştirakçıları üçün ciddi təhlükə yaradır.

Fərid