Nişanı saymayan qadın sürücü az qala motosikletlə toqquşacaqdı - VİDEO

Abşeron rayonu, Saray qəsəbəsində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, 50-FL-994 dövlət nömrə nişanlı “Changan” markalı avtomobilin sürücüsü “STOP” nişanının tələbini pozaraq yolayrıcına daxil olub. Bu zaman o, hərəkətdə olan motosikletə qəza şəraiti yaradıb. Motosikletçi ehtiyatlı davranaraq son anda toqquşmadan yayına bilib.

Qanunvericiliyin tələblərinə əsasən, “STOP” nişanı quraşdırılmış yerdə sürücü stop-xəttinin qarşısında, belə xətt olmadıqda isə kəsişən yolun kənarında dayanmalı və yalnız yol vermə tələbinə əməl etdikdən sonra hərəkətini davam etdirməlidir.

Qeyd edək ki, avtomobili qadın sürücünün idarə etdiyi bildirilir.

Nərmin