Nişanı saymayan sürücü baş yoldakı avtomobili təhlükəylə üz-üzə qoydu - VİDEO

Paytaxtın Tbilisi prospektində qayda pozan sürücü kameraya düşüb.

Avtosfer.az-ın məlumatına görə, hadisə iyulun 13-də saat 19:20 radələrində qeydə alınıb.

Belə ki, 88-DA-349 dövlət qeydiyyat nişanlı “Changan” markalı avtomobilin sürücüsü “Yol ver” nişanının tələbinə əməl etməyərək baş yolda hərəkətdə olan nəqliyyat vasitəsinə yol vermədən hərəkətini davam etdirib.

Videoregistratorun qeydə aldığı kadrlardan görünür ki, qayda pozuntusu nəticəsində qəza şəraiti yaranıb. Toqquşmadan yayınmaq üçün baş yolda hərəkətdə olan avtomobilin sürücüsü ən sol zolaqdan ən sağ zolağa qəfil manevr etmək məcburiyyətində qalıb.

Xoşbəxtlikdən həmin anda digər zolaqlarda nəqliyyat vasitəsi olmadığından qəzanın qarşısını almaq mümkün olub. Əks halda hadisə daha ağır nəticələrə səbəb ola bilərdi.

Nərmin