Nişanı saymayan sürücü motosikletin yolunu kəsib təhlükə yaratdı - VİDEO

Paytaxtın Babək prospektində qayda pozan sürücü kameraya düşüb.

Avtosfer.az-ın məlumatına görə, hadisə sentyabrın 21-də saat 14:02 radələrində qeydə alınıb.

Kadrlardan göründüyü kimi, 99-MN-229 dövlət nömrə nişanlı “Opel” markalı avtomobilin sürücüsü “Yol ver” nişanının tələbinə əməl etmədən geriyə manevr edib. Bu zaman sürücü yaxınlaşmaqda olan motosikletin qarşısına qəfil çıxaraq onun hərəkətinə maneə yaradıb və qəza şəraiti törədib.

Motosiklet sürücüsü isə siqnal verərək qayda pozan sürücünün hərəkətinə etirazını bildirib.

Xatırladaq ki, “Yol ver” nişanı qarşıdan gələn nəqliyyat vasitələrinə yol verilməsini tələb edir. Nişanın tələbinə əməl etmədən hərəkətin davam etdirilməsi digər nəqliyyat vasitələrinin hərəkət üstünlüyünün pozulmasına və qəza şəraitinin yaranmasına səbəb ola bilər. Geriyə hərəkət zamanı isə sürücü manevrin təhlükəsiz olduğuna əmin olmalı və digər hərəkət iştirakçılarına maneə yaratmamalıdır.

Nərmin