Nömrəsini gizlədən sürürcü ard-arda qayda pozub təhlükə yaratdı - VİDEO

Paytaxtın Nəsimi rayonu, Alı Mustafayev küçəsində yol hərəkəti qaydalarını kobud şəkildə pozan sürücü kameraya düşüb.

Bu barədə izləyicilərdən biri Avtosfer.az-ın “Instagram” səhifəsinə videomaterial göndərərək məlumat verib.

Bildirilib ki, hadisə iyunun 3-də səhər saatlarında qeydə alınıb. Belə ki, 10-MC-138 dövlət nömrə nişanlı “LADA Oka” markalı avtomobilin sürücüsü işıqforun qadağanedici – qırmızı işığında dayanmadan hərəkətini davam etdirib.

Kadrlardan həmçinin görünür ki, avtomobilin ön və arxa dövlət qeydiyyat nişanlarının son rəqəmləri cızılaraq oxunmaz vəziyyətə salınıb.

Şikayətçinin iddiasına görə, sözügedən sürücü bundan başqa manevr qaydalarını da pozaraq ona təhlükəli vəziyyət yaradıb. Ardınca o, avtomobilin pəncərəsindən əlini çıxararaq digər hərəkət iştirakçısına qarşı təhqiredici ifadələr işlədib.

Nərmin