Oğuzda sürət yarışına girən sürücülərin videosu “TikTok”da yayıldı - VİDEO

Yol hərəkəti qaydalarını kobud şəkildə pozan sürücülərin videosu “TikTok” sosial şəbəkəsində paylaşılıb.

Avtosfer.az-ın məlumatına görə, hadisə bir müddət əvvəl Oğuz rayonunda qeydə alınıb. 
Kadrlardan görünür ki, “KIA Cerato” və “KIA Rio” markalı avtomobillərin sürücüləri sürət yarışına girərək yol boyu bir-birilərini ötməyə çalışırlar. Bu cür məsuliyyətsiz davranış həm onların, həm də digər yol istifadəçilərinin təhlükəsizliyini riskə atır.

Qeyd edək ki, adrenalin və ya “şou” məqsədilə törədilən bu cür hərəkətlər çox vaxt ağır yol-nəqliyyat hadisələrinə, hətta ölümlə nəticələnən qəzalara gətirib çıxarır.

DİN-in Mətbuat Xidmətinin Şəki regional qrupundan Avtosfer.az-a bildirilib ki, sosial şəbəkələrdə paylaşılan görüntü araşdırılır.

Nərmin