Ona yol verməyən sürücüdən belə qisas aldı, ardınca isə… - 99-TL-953 - VİDEO

Paytaxtın Sabunçu rayonunda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl günorta saatlarında Şəhər şosesində qeydə alınıb.

Görüntülərdən aydın olur ki, 99-TL-953 dövlət nömrə nişanlı “Mercedes” markalı avtomobilin sürücüsü manevr qaydalarını pozaraq sol zolaqda hərəkətdə olan avtomobilin qarşısına keçməyə çalışır. Lakin həmin zolaqda hərəkət edən sürücü siqnal verərək ona yol vermir və hərəkətini davam etdirir.

“Mercedes”in sürücüsü bir müddət sonra yenidən həmin avtomobilin hərəkət etdiyi zolağa keçərək onu sıxışdırır və qəza şəraiti yaradır. Vəziyyətdən yayınmaq üçün görüntünü qeydə alan sürücü məcbur qalaraq sol zolağa keçir.

Daha sonra tərəflər arasında mübahisə yaranır. “Mercedes”in sürücüsü ona irad bildirən şəxsə özünün qayda pozmadığını, əksinə, qarşı tərəfin səhv etdiyini deyir. Bu zaman görüntünü qeydə alan avtomobilin sürücüsü aqressiv şəkildə “Məni niyə əsəbiləşdirirsən? Səhv edirsən, amma məni borclu çıxarırsan”, – deyə ona cavab verir.

Nərmin