Operativ nəqliyyat vasitəsinə qoşulan sürücü qırmızı işıqda keçdi - VİDEO

Bakıda qaydaları pozan sürücü kameraya düşüb. Avtosfer.az xəbər verir ki, hadisə iyulun 15-də, paytaxtın İnşaatçılar prospektində qeydə alınıb. Belə ki, xidməti zərurətlə əlaqədar sayrışan işıq siqnallarını yandırıb hərəkət edən inkassator avtomobilinin sürücüsü svetoforun qırmızı işığında keçib. Onun arxasınca gələn "Opel" markalı avtomobilin sürücüsü də svetofora baxmadan yoluna davam edərək qırmızıda keçib.

Qeyd edək ki, belə hadisələr tez-tez baş verir. Sürücünün fikri yolda olmadığı halda yol nişanlarına və svetofora baxmağı unudur. Ümumi axına qoşulub hərəkət edirlər ki, bu da olduqca təhlükəli hal hesab edilir.

Fərid