Ötmə qaydasını pozan sürücü qarşıdan gələn maşını təhlükə qarşısında qoydu - VİDEO

Hökməli-Qobu yolunda kobud qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə avqustun 19-da saat 06:50 radələrində qeydə alınıb.

Kadrlardan göründüyü kimi, 99-RM-845 dövlət nömrə nişanlı “Mercedes Vito” markalı avtomobilin sürücüsü qarşısında hərəkətdə olan “Tofaş” markalı avtomobili ötməyə çalışıb. Lakin manevr zamanı qarşıdan gələn nəqliyyat vasitəsinin hərəkət zolağına çıxaraq onun üçün qəza şəraiti yaradıb.

Xatırladaq ki, qanunvericiliyə əsasən, ötmə yalnız sürücünün manevrin təhlükəsiz olduğuna və qarşıdan gələn nəqliyyat vasitələri üçün qəza şəraiti yaratmayacağına əmin olduğu halda həyata keçirilə bilər. Qarşıdan gələn nəqliyyat vasitəsinin hərəkətinə maneə və ya təhlükə yaradan ötmə yolverilməzdir. 

Nərmin