Ötmənin qadağan olduğu ərazidə əks yola çıxıb dəfələrlə təhlükə saçdı - VİDEO

Sumqayıt şəhərində kobud qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə oktyabrın 1-də saat 07:31 radələrində qeydə alınıb.

Kadrlardan göründüyü kimi, 77-EO-538 dövlət nömrə nişanlı “Toyota Prius” markalı avtomobilin sürücüsü ötmə və manevr qaydalarını pozub. Belə ki, o, əks istiqamətli hərəkət zolağına çıxaraq qarşıdan gələn nəqliyyat vasitələri üçün təhlükəli vəziyyət yaradıb.

Daha sonra sürücü görüntünü qeydə alan avtomobili sıxışdıraraq onun qarşısına keçib. Üstəlik əl hərəkəti ilə qəza şəraiti yaratdığı sürücüyə iradını bildirib.

Bununla kifayətlənməyən “Prius” sürücüsü bir qədər sonra yenidən təhlükəli ötmə manevri edib.

Videoda hadisənin baş verdiyi ərazidə ötməni qadağan edən yol nişanlarının olduğu da aydın görünür.

Nərmin