Özbaşınalıq edən kuryer: Qırmızıda keçib avtobus zolağına girdi - VİDEO

Bakıda yol hərəkəti qaydasını kobud şəkildə pozan motosiklet sürücüsü anbaan kameraya düşüb. Avtosfer.az xəbər verir ki, hadisə paytaxtın Məhəmməd Hadi küçəsində qeydə alınıb.

Belə ki, "Wolt" şirkətinə məxsus motosikletin sürücüsü qırmızı işığın yandığını görərək gəldiyi sürətlə qırmızı işıqda keçib. Daha sonra avtobus zolağına daxil olaraq növbəti dəfə qaydanı pozub. Görüntüdən də aydın şəkildə görünür ki, sürücü qırmızı işıqda keçən zaman sağdan gələn avtomobilə təhlükəli anlar yaşadıb.

Məlum hadisə motosiklet sürücülərinin yol hərəkəti qaydalarına əməl etmədiyini bir daha gündəmə gətirir. Xüsusilə, qida çatdırılması sahəsində çalışan sürücülər vaxt qazanmaq üçün qaydaları tez-tez pozur. Bu isə həm özlərinin, həm də digər insanların həyatını təhlükə altında qoyur.

Fərid