Parklanmanın yanında sərnişin düşürən sürücülər cərimələnə bilər? – AÇIQLAMA - VİDEO

Parklanma yerlərinin yaxınlığında avtomobili ikinci cərgədə saxlamaq, sərnişin düşürmək və ya parklanma yerinin boşalmasını gözləmək sürücülər üçün cərimə ilə nəticələnə bilər.

Avtosfer.az xəbər verir ki, nəqliyyat üzrə ekspert Rüfət Əmiraslanov bu barədə danışarkən sürücüləri yol hərəkəti qaydalarına əməl etməyə çağırıb.

Ekspert bildirib ki, parklanma yeri boş olduqda sürücü avtomobilini həmin yerdə saxlaya bilər. Lakin parklanmanın yanında, ikinci cərgədə dayanaraq sərnişin düşürmək və ya parklanma yerinin boşalmasını gözləmək qayda pozuntusu hesab oluna bilər.

Rüfət Əmiraslanovun sözlərinə görə, belə hallarda sürücülərə 80 manat məbləğində cərimə tətbiq edilə və 2 cərimə balı yazıla bilər.

Sürücülərə tövsiyə olunur ki, sərnişinləri düşürərkən və ya avtomobili park edərkən digər nəqliyyat vasitələrinin hərəkətinə maneə yaratmasınlar və yol hərəkəti qaydalarının tələblərini nəzərə alsınlar.

Eltac Zülfüqaroğlu