Piyada keçidində yol vermək üstündə mübahisə: “Sən niyə dayanmısan?” - VİDEO

Paytaxtın Sabunçu rayonu, Bakıxanov qəsəbəsində sürücülər arasında mübahisə yaşanıb.

Avtosfer.az-ın məlumatına görə, hadisə iyulun 28-də saat 13:25 radələrində Səməd bəy Mehmandarov küçəsində qeydə alınıb.

Görüntülərdən məlum olur ki, motosiklet sürücüsü piyada keçidinə yaxınlaşarkən sürətini azaldaraq dayanıb və keçidin üzərində gözləyən piyadaya yol vermək istəyib. Bu zaman 35 nömrəli müntəzəm marşrut xətti üzrə hərəkət edən 77-JA-680 dövlət qeydiyyat nişanlı “BMC” markalı avtobusun sürücüsü səs siqnalı verərək motosikletçidən hərəkətini davam etdirməsini tələb edib.

Bundan sonra motosiklet sürücüsü iradını bildirmək üçün avtobusa yaxınlaşıb. Avtobus sürücüsü isə “O yolu keçmir, dayanıb orada. Sən niyə dayanmısan?” deyə etiraz edib. Motosikletçi isə buna cavab olaraq “Piyada keçidini sən görmürsən?” sözlərini işlədib.

Nərmin