Piyada keçidini zəbt etdi, əngəlli şəxsi yola çıxmağa məcbur qoydu - FOTO

Paytaxtın Səbail rayonu, Zərifə Əliyeva küçəsində dayanma-durma qaydalarını pozan sürücü görüntülənib.

Avtosfer.az-a müraciət edən oxucu bildirib ki, hadisə avqustun 6-da saat 13:45 radələrində baş verib. Fotoşəkildən görünür ki, 77-GV-060 dövlət qeydiyyat nişanlı “Chevrolet” markalı avtomobilin sürücüsü nəqliyyat vasitəsini piyada keçidinin üzərində saxlayıb.

İddia olunur ki, sürücünün bu hərəkəti piyada keçidindən istifadə edən vətəndaşların hərəkətinə maneə yaradıb. Şikayətçinin sözlərinə görə, xüsusilə fiziki məhdudiyyətli şəxs keçiddən istifadə edə bilmədiyi üçün yolun hərəkət hissəsinə çıxmaq məcburiyyətində qalıb ki, bu da onların təhlükəsizliyi baxımından ciddi risk yaradır.

Qeyd edək ki, qanunvericiliyə əsasən, piyada keçidlərinin üzərində və onlara yaxın məsafədə dayanma və durma qadağandır. Bu cür qayda pozuntuları piyadaların yolu təhlükəsiz şəkildə keçməsinə mane olmaqla yanaşı, yol-nəqliyyat hadisəsi riskini də artırır.

Nərmin