Polis nizamsız manevrlər edən avtomobili saxladı; 15 yaşlı sürücü içkili çıxdı - VİDEO

Məktəbli sərxoş vəziyyətdə sükan arxasında yaxalanıb. Avtosfer.az xəbər verir ki, hadisə Rusiyanın Petropavlovsk-Kamçatski şəhərində baş verib.

Məlumata görə, Qələbə prospektində hərəkətdə olan bir avtomobilin şübhəli və nizamsız manevrləri Dövlət Yol Polisi (DYP) əməkdaşlarının diqqətini çəkib. Nəqliyyat vasitəsi saxlanılarkən sükan arxasında cəmi 15 yaşı olan bir yeniyetmənin olduğu məlum olub. Hadisə yerinə dərhal məktəblinin valideynləri çağırılıb. Yeniyetmə sürücü tibbi müayinədən keçirilərkən polislər təcübləniblər. Cihazın göstəricisi 0,860 mq/l spirt dərəcəsi qeydə alıb.

Müqayisə üçün qeyd edək ki, yerli qanunvericilikdə yetkin yaşlı sürücülər üçün icazə verilən maksimum limit 0,160 mq/l-dir. Bu isə o deməkdir ki, 15 yaşlı oğlanın qanındakı spirtin miqdarı normadan 5 dəfədən çox olub.

Yeniyetmənin yaşı qanunla müəyyən edilmiş məsuliyyət həddinə çatmadığı üçün ona birbaşa inzibati protokol tətbiq edilə bilməyib.

Buna baxmayaraq, "gənc yarışçı" cəzasız qalmayıb. Toplanmış bütün sənədlər və hadisəyə dair materiallar hüquqi tədbirlər görülməsi üçün Yetkinlik Yaşına Çatmayanların İşləri Üzrə Komissiyaya təhvil verilib.

Namiq Musayev