Prospektdə qayda tanımayan sürücü əks yoldan gələn avtomobili az qala vuracaqdı - VİDEO

Paytaxtın Qara Qarayev prospektində yol hərəkəti qaydalarının kobud şəkildə pozulması avtomobil kamerasına düşüb.

Avtosfer.az-ın məlumatına görə, hadisə dekabrın 12-də saat 08:34 radələrində qeydə alınıb. Belə ki, “Mitsubishi” markalı avtomobilin sürücüsünün yola çıxan zaman qəfil manevr edərək əks istiqamətli hərəkət zolağına keçdiyi videoda aydın görünür. Bu məsuliyyətsiz hərəkət nəticəsində həmin an prospektlə hərəkətdə olan sürücü üçün real qəza təhlükəsi yaranıb.

Xoşbəxtlikdən, görüntünü qeydə alan sürücü peşəkar davranaraq vaxtında sağa manevr edib və toqquşmanın qarşısını ala bilib.

Qeyd edək ki, xüsusilə intensiv hərəkətin olduğu prospektlərdə əks istiqamətə çıxmaq və qəfil manevrlər etmək digər yol hərəkəti iştirakçıları üçün ciddi risk yaradır. Bu cür hallarda bir anlıq diqqətsizlik ağır yol-nəqliyyat hadisəsi ilə nəticələnə bilər. Sürücülər yolayrıcılarına yaxınlaşarkən nişan və nişanlanmalara əməl etməli, təhlükəli manevrlərdən çəkinməlidirlər.

Nərmin