Qanunsuz köşk qoyub maşın yolunu kəsdilər - SAKİNLƏRDƏN ŞİKAYƏT - VİDEO

Bakının Nərimanov rayonu, Aşıq Qərib küçəsində yolun qanunsuz zəbt edilməsi sakinlərin ciddi narazılığına səbəb olub. Avtosfer.az-ın məlumatına görə, Montin adlanan ərazidə avtomobillərin hərəkəti üçün nəzərdə tutulmuş yolun üzərində icazəsiz şəkildə köşk quraşdırılıb.

Sakinlərin redaksiyaya ünvanladıqları şikayətdə bildirilir ki, həmin köşk nəqliyyatın hərəkətini demək olar ki, tamamilə məhdudlaşdırır. Məsələyə dair yayımlanan videodan da açıq şəkildə görünür ki, yolun ortasına yerləşdirilən bu köşk sürücülərə ciddi maneə yaradır.

Sakinlərin fikrinə görə, əgər bu köşk oradan götürülsə, sürücülər alternativ istiqamətlər üzrə rahat şəkildə hərəkət edə bilərlər. Köşkün sökülməsi ilə bağlı bir neçə sakin Nərimanov rayon İcra Hakimiyyətinə şikayət ünvanladıqlarını bildirirlər.

Fərid