Qarşıdan gələn maşının yoluna qəfil çıxıb təhlükəli anlar yaşatdı - VİDEO

Paytaxtın Səməd Vurğun və Akademik Həsən Əliyev küçələrinin kəsişməsində qayda pozan sürücü kameraya düşüb.

Avtosfer.az-ın məlumatına görə, hadisə sentyabrın 26-da saat 12:19 radələrində qeydə alınıb.

Kadrlardan aydın görünür ki, əks istiqamətli yolda olan 77-BG-322 dövlət nömrə nişanlı “Toyota” markalı avtomobilin sürücüsü qarşı tərəfdən gələn nəqliyyat vasitəsinə yol vermədən sola dönür. Bu zaman o, görüntünü qeydə alan avtomobilin hərəkət trayektoriyasına çıxaraq qəza şəraiti yaradır.

Xoşbəxtlikdən təhlükəylə üzləşən sürücü vaxtında sağa manevr edərək toqquşmanın qarşısını alır. 

Xatırladaq ki, belə manevrlərdə sürücü dönmə zamanı qarşıdan gələn nəqliyyat vasitələrinin hərəkətinə mane olmamalı və yolayrıcını keçmə qaydalarına əməl etməlidir.

Nərmin