Qaydalara məhəl qoymayan sürücü qorxulu anlar yaşatdı - VİDEO

Novxanı yolunda qaydaları kobud şəkildə pozan sürücü avtomobilin kamerasına düşüb.

Avtosfer.az-ın məlumatına görə, hadisə avqustun 13-də saat 08:03 radələrində qeydə alınıb.

Videodan görünür ki, ara küçədən əsas yola daxil olan 77-HZ-598 dövlət qeydiyyat nişanlı “Nissan” markalı avtomobil sola dönərkən əvvəlcə əks istiqamətli hərəkət zolağına çıxıb. Daha sonra o, sağdan gələn nəqliyyat vasitəsinə yol vermədən həmin zolağa manevr edərək qəza şəraiti yaradıb.

Xoşbəxtlikdən təhlükə ilə üz-üzə qalan sürücü vaxtında sağ zolağa keçərək toqquşmanın qarşısını alıb.

Qeyd edək ki, qanunvericiliyin tələblərinə əsasən, manevr edən sürücü digər hərəkət iştirakçıları üçün təhlükə yaratmamalı və onların hərəkətinə mane olmamalıdır.

Nərmin