Qəza şəraiti yaratdı üstəlik qarşı tərəfi günahlandırdı – 99-HJ-022 - VİDEO

Paytaxtda qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb.

Belə ki, 99-HJ-022 dövlət nömrə nişanlı “Changan” markalı avtomobilin sürücüsü görüntünü qeydə alan maşının qarşısına keçərək onun yolunu kəsib və qəza şəraiti yaradıb.

Bu zaman təhlükəylə üzləşən sürücü siqnal verərək ona xəbərdarlıq edib. Lakin “Changan”ın sürücüsü bununla kifayətlənməyərək, törətdiyi qayda pozuntusuna haqq qazandırmağa çalışıb və qarşı tərəfin siqnal verməsinə etiraz edib.

“Niyə siqnal verirsən? Mənim yolum varıydı ki, keçdim də. Olmasa keçməzdim” – deyə o, görüntünü qeydə alan sürücüyə iradını bildirib.

Nərmin