Qəza şəraiti yaratdı, üstəlik xoşagəlməz sözlər işlətdi - VİDEO

Azərbaycan prospekti ilə Mirzəağa Əliyev küçəsinin kəsişməsində qayda pozan sürücü kameraya düşüb.

Avtosfer.az-ın məlumatına görə, hadisə avqustun 17-də saat 15:15 radələrində qeydə alınıb.

Kadrlardan göründüyü kimi, ən sağ zolağa keçmək istəyən 90-TE-815 dövlət nömrə nişanlı “BMW” markalı avtomobilin sürücüsü baş yoldan gələn nəqliyyat vasitəsinin qarşısına keçərək qəza şəraiti yaradıb.

Təhlükə ilə üzləşən sürücü əvvəlcə siqnal verərək “BMW”nin sürücüsünə xəbərdarlıq edib. Daha sonra avtomobilə yaxınlaşaraq iradını bildirib.

Qayda pozan sürücü isə “Get, qaydaları oxu” deyərək törətdiyi hərəkətə haqq qazandırmağa çalışıb. Bundan sonra tərəflər arasında sözlü mübahisə yaranıb və “BMW”nin sürücüsü qarşı tərəfə xoşagəlməz ifadələr işlədib.

Nərmin